१
Advertisement
काठमाडौँ । तिहारको उत्सव, फूलको महोत्सव भन्ने मुल नाराका साथ सुरु भएको तिहार फ्लोरा एक्स्पो–२०८१ सम्पन्न भएको छ । नर्सरी व्यवसायी संघ नेपालको आयोजनामा दोस्रो तिहार फ्लोरा एक्स्पो २०८१ सम्पन्न भएको हो ।
गत शुक्रवारबाट काठमाडौको भृकुटीमण्डपमा मंगलबारसम्म चलेको तिहार लक्षित तिहार फ्लोरा एक्सपोमा नर्सरी जन्य विरुवाहरु लगायत मलखाद, औजार प्रर्दशनमा राखेको थियो । तिहार फ्लोरा एक्सपोमा ६५ वटा ब्यवसायीक स्टल र बनस्पती बिभाग ,पुष्प विकास केन्द्र विकास र अफिसियल सहित ७० वटा स्टल राखीएको थियो ।
यस मेलाले आर्थिक मन्दीले सुस्ताएका हरित अर्थतन्त्र विकासमा संलग्न उद्यमीहरूलाई उत्साहित गर्न गरिएको नर्सरी व्यवसायी संघ नेपालका अध्यक्ष रामजीप्रसाद तिमिल्सिनाले बताउनु भयो । व्यवसायी र उपभोक्ताको दुरी घटाउने र नर्सरी ब्यवसायीहरुले उत्पादन गरेका कृर्षि तथा बन जडीबुटी नर्सरी फलफूल औजार उपकरण सबै एकै थलोमा भएकाले अवलोकनकर्ताहरुको उत्साहजनक सहभागिता रहेको अध्यक्ष तिमिल्सिनाको बताउनु भयो ।
एक्स्पोमा ७२ लाखको कारोबार भएको र एक्स्पो ४० हजार भन्दा बढीले अवलोकन गरेको एक्स्पोकी सयोजक तथा संघकी उपाध्यक्ष लक्ष्मी महर्जनले जानकारी दिइन् । यस मेलामा अवलोकन गर्न सर्वसाधारणको लागि प्रवेश शुल्क प्रति व्यक्ति रु.१०० र विद्यार्थी तथा जेष्ठ नागरिकको लागि प्रति व्यक्ति रु. ५० रहेको थियो ।
त्यसैगरी, तिहार विशेष फ्लोरा एक्स्पो–२०८१ को प्रवर्धक संस्थाहरुमा पुष्प विकास केन्द्र, वनस्पति विभाग रहेको र विशेष सहयोगी संस्था शलोम एग्रीकल्चर प्रा.लि. सेवा म्यानुफयाक्चरिङ, अगानिक बायो फर्टिलाइजर प्रा.लि. ग्रिस्मा नर्सरी रहेको थियो ।
फोटो फिचर
