१
Advertisement
रामेछाप । स्वास्थ्यका लागि खेलकूद, राष्ट्रका लागि खेलकूद’ भन्ने मूल नाराका साथ सुनापति गाउँपालिकामा तेश्रो अध्यक्षकप जिल्ला स्तरीय अन्तरपालिका पुरुष भलिबल प्रतियोगिता तथा ब्याडमिन्टन प्रतियोगिता हुन लागेको छ ।
सुनापति गाउँपालिका खेलकुद विकास समितिले आगामी चैत्र ५ गतेदेखि सुरुहुने उक्त प्रतियोगिता चैत्र ८ गतेसम्म तेश्रो सुनापति गाउँपालिका अध्यक्ष कप सञ्चालन गर्ने शुक्रबार पत्रकार सम्मेलन गरि जानकारी दिएको छ ।
जिल्ला स्तरीय खेलकुद प्रतियोगिता अन्तर्गत तेश्रो सुनापति गाउँपालिका अध्यक्ष कपको प्रथम पुरस्कार २ लाख रुपैयाँ नगद सहित ट्रफि मेडल र प्रमाणपत्र रहेको छ । त्यसैगरी द्धितीय पुरस्कार १ लाख रुपैयाँ नगद, ट्रफि मेडल र प्रमाणपत्र तथा तृतीय पुरस्कार ५० हजार रुपैयाँ नगद, ट्रफि मेडल र प्रमाणपत्र रहेको छ भने, सान्त्वना पुरस्कारमा २५ हजार रुपैयाँ नगद सहित ट्रफि र प्रमाणपत्र रहेको छ ।
त्यसैगरी सर्वोत्कृष्ट खेलाडी १० हजार रुपैयाँ नगद सहित ट्रफि र प्रमाणपत्र, उत्कृष्ट स्पाइकर ५ हजार नगद सहित ट्रफि र प्रमाणपत्र, उत्कृष्ट सेटर ५ हजार नगद ट्रफि र प्रमाणपत्र, उत्कृष्ट ब्लकर ५ हजार नगद ट्रफि र प्रमाणपत्र, उत्कृष्ट डिफेण्डर ५ हजार नगद ट्रफि र प्रमाणपत्र, उत्कृष्ट सर्भर ५ हजार नगद ट्रफि र प्रमाणपत्र रहेको छ भने उत्कृष्ट प्रशिक्षकलाई पनि ५ हजार नगद ट्रफि र प्रमाणपत्र प्रदान गरिने छ ।
ब्याडमिन्टनतर्फ प्रमथ पुरस्कार १५ हजार नगद, ट्रफि मेडल र प्रमाणपत्र, द्धितीय पुरस्कार १० हजार नगद ट्रफि, मेडल र प्रमाणपत्र, तृतीय पुरस्कार ५ हजार नगद, ट्रफि, मेडल र प्रमाणपत्र रहेको छ भने सान्त्वना पुरस्कारमा २ हजा ५ सय रुपैयाँ नगद सहित ट्रफि र प्रमाणपत्र रहेको छ । त्यस्तै उत्कृष्ट खेलाडी पुरस्कार १ हजार नगद सहित ट्रफि र प्रमाणपत्र रहेको छ । ब्याडमिन्ट खेल पुरुष तथा महिलातर्फ छुट्टाछुट्टै खेलाइने छ भने, पुरस्कार पनि दुवैतर्फत प्रदान गरिने छ ।
प्रतियोगितामा सहभागि हुने खेलाडीहरुको लागि दैनिक ५ हजारको दरले भक्ताको समेत ब्यवस्था गरिएको सुनापति गाउँपालिका खेलकुद विकास समितिका अध्यक्ष गोविन्द घिमिरेले जानकारी दिनुभयो । प्रतियोगिताको क्रममा खेलाडीहरु घाइते भएमा सम्पूर्ण उपचार समेत गाउँपालिकाले नै गरिदिने सुनापति गाउँपालिका अध्यक्ष धावा लामाले जानकारी दिनुभयो ।
