निर्वाचन आयोगले उपनिर्वाचनका लागि दल दर्ता आह्वान

काठमाडौं । निर्वाचन आयोगले स्थानीय तह सदस्य उपनिर्वाचनका लागि दल दर्ताका लागि आह्वान गरेको छ । आयोगले बुधबार सूचना जारी गर्दै आगामी २०८१ मंसिर १६ गते हुने स्थानीय तहको उपनिर्वाचनमा भाग लिनका लागि राजनीतिक दलहरूलाई विहीबारदेखि दर्ताका लागि आह्वान गरेको हो ।

आयोगमा दर्ता कायम रहेका राजनीतिक दलहरूलाई नेपालको संविधानको धारा २१७ र राजनीतिक दल सम्बन्धी ऐन, २०७३ को दफा ४ बमोजिम असोज १० गतेदेखि असोज १६ गतेसम्म कार्यालय समयभित्र राजनीतिक दल सम्बन्धी नियमावली, २०७४ को अनुसूची १२ बमोजिमको ढाँचामा निर्वाचन आयोगको कार्यालयमा दल दर्ताका लागि निवेदन अह्वान गरेको हो ।

त्यसैगरी, सरकालले स्थानीय तहको रिक्त पदमा आगामी मंसिर १६ गते निर्वाचन गर्न मिति तोकिसकेको छ ।