तामाकोशी पहिरो अपडेट: बेपत्ता चार जनाकै शव फेला

दोलखा ।  माथिल्लो तामाकोशी पहिरोमा बेपत्ता भएका ४ जनाकै शव भेटीएको छ । शनिबार आयोजनाको बाँधस्थलमा कन्ट्रोल कक्ष रहेको भवनमा पहिरो खस्दा बेपत्ता भएका दुई नेपाली सेना सहित ४ जनाको शव भेटिएको हो ।

जसमध्ये खोजि गर्ने क्रममा आइतबार दिउँसो १ जनाको र बेलुकापख अन्य ३ जनाको पनि शव भेटिएको आयोजनाले जनाएको छ ‌। शव भेटिएका मध्ये २ जना नेपाली सेनाको शव हेलिकप्टर मार्फत सदरमुकाम चरिकोट ल्याएको छ भने आयोजनामा कार्यरत २ कर्मचारीको शव भने लामावगरमै रहेको छ ।

पहिरोमा नबलपरासीका ३५ वर्षिय कृष्ण प्रसाद चौधरी, बिगु गाउँपालिका – १, लामाबगरका ३० वर्षिय जयराम तामाङ, नेपाली सेना नरेन्द्र बहादुर पाल र शंकर चन्द बेपत्ता भएको प्रमुख जिल्ला अधिकारी टुवराज पोखरेलले जानकारी दिनुभयो ।