चलचित्र ‘टुहुरी’ निर्माणको अन्तिम चरणमा

किशोर गुरुङ, काठमाडौं । नेपाली कथानाक गुरुङ चलचित्र ‘टुहुरी’ निर्माण कार्यको अन्तिम चरणमा पुगेको छ । चलचित्र ‘टुहुरी’ को छायाँकन र सम्पादन गरी कलाकारहरुको डविङ सकेर निर्माणको अन्तिम तयारीमा पुगेको हो ।

नवज्योति भिजन नेपाल प्रा.लिको ब्यानरमा निर्माण भएको चलचित्र ‘टुहुरी’ गत असोजमा स्याङ्जास्थित ज्यामिरेको गुरुङ गाँउका बाल कन्यादेवि मन्दिरमा पुजा गरी औपचारिक छायांकन सुरु गरिएको थियो । चलचित्रमा बरिष्ठ द्धन्द निर्देशक एवं चलचित्रकर्मी जनक गुरुङले निर्देशन गर्नुभएकोछ भने चलचित्रकर्मी एवं नायक रविन गुरुङले सह–निर्देशन गर्नुभएको छ । चलचित्रको कथाकारमा सुस्मी गुरुङ(मञ्जु) र पटकथा तथा संवाद निर्देशक जनक गुरुङ आफैले गर्नुभएकोछ ।

चलचित्रको निर्मतामा रुक आलेमगर, खडग बहादुर गुरुङ, नेत्र तिमल्सिना, देव गुरुङ, चीज गुरुङ र मीन बहादुर गुरुङ रहेको छ । चलचित्रमा आनन्द गुरुङ, रिना गुरुङ, मनोज गुरुङ, काशी गुरुङ, रविन गुरुङ, कुमार सामरी घले, राजु किराँत, कमला राई(करुण), सुवाश गुरुङ, रश्मि गुरुङ, र इशा गुरुङ लगायतका कलाकारहरूको अभिनय रहेकोछ ।

सो चलचित्रको छाँयांकन क्यामेरा पर्सनमा खेम थापा मगर रहनु भएको छ । र मेकअप आर्टिसमा रुपा गुरुङ रहेकी छिन् । चलचित्रको संगीत आँसु लामाले गर्नुभएको छभने, गीतमा पवित्र गुरुङ, आँसु लामा र सुमिना लामाको स्वर रहेको छ ।

नवज्योति भिजन नेपाल प्रा.लि.को चौंथो प्रस्तुति चलचित्र ‘टुहुरी’ले नेपाली सामाजमा हुने विकृति र विसंगतिप्रति लक्षित गदै चलचित्र मार्फत जनचेतना र सन्देश दिन लागेको निर्देशक जनक गुरुङले बताउनु भयो । निर्देशक गुरुङका अनुसार नेपाली समाजमा हुने विभेदकारी व्यवहारलाई कथा मार्फत चलचित्रमा उतारी पुरानो रुढवादी पराम्परालाई हटाई परिवर्तशील समयमा जनचेतना जगाउन खोजेको बताउनुभयो ।

नवज्योति भिजन नेपाल प्रा.लि.ले यसअघि आफ्नै व्यानरमा निर्माण गरिएको पहिलो “ङोलो ठागु” दोस्रो “पुर्णिमा” र तेस्रो “आफ्नै कर्म”  चलचित्र सफतापूर्वक प्रर्दशन गरिसकेको छ । यसअघि निर्माण भएको चलचित्रले देश तथा विदेशमा समेत सफल प्रर्दशन भएको हुदाँ अब बन्ने नयाँ चलचित्र ‘टुहुरी’ले पनि सफलता पाउने सहनिर्देशक रविन गुरुङले बताउनुभयो । सह–निर्देशक गुरुङका अनुसार चलचित्र निर्माण सम्पन्न गरी तमू ल्होसारको अवसरमा प्रर्दशनीको तयारी गरिने समेत बताउनुभयो ।

त्यसैगरी, चलचित्र “टुहुरी” मा गाँउले परिवेशमा रहेकी एउटी नारीको कथालाई समावेश गरिएको छ । चलचित्रमा गुरुङ परिबेशको सँस्कार सँस्कृति र सामाजिक मौलिकतालाई समाबेश गरिएको निर्माता कम्पनीले जनाएको छ । चलचित्र ‘टुहुरी’ निर्माता कम्पनीको चौंथो प्रस्तुती हो ।