प्रतिष्ठानको नवनियुक्त उपाध्यक्ष गुरुङलाई भब्य सम्मान

काठमाडौं । आदिवासी जनजाती उत्थान राष्ट्रिय प्रतिष्ठानका नवनियुक्त उपाध्यक्ष रेशम गुरुङलाई सम्मान गरेका छन् । नेपाल सरकारद्धारा नवनियुक्त प्रतिष्ठानका उपाध्यक्ष गुरुङलाई तमू ह्यूल छोंज धीँ गुरुङ राष्ट्रिय परिषद् बागमती प्रदेश समितिले सम्मान गरेका हुन् ।

बागमती प्रदेश समितिले गुरुङ संस्कृति अनुसार क्रेगी(फेटा), ह्रेंगा(भाङ्रा), खादा र शुभकामना पत्र प्रदान गर्दै उपाध्यक्ष गुरुङलाई सम्मान गरेका हुन् । प्रदेश समितिका अध्यक्ष झमकराज गुरुङको नेतृत्वमा वरिष्ठ उपाध्यक्ष रबिन गुरुङ, उपाध्यक्ष तुल बहादुर गुरुङ, सचिव रमेश गुरुङ, सह–सचिव राजराम गुरुङ, कोषाध्यक्ष शारदा गुरुङ र पत्रकार/सञ्चारकर्मी किशोर गुरुङ सहभागी रहेको थियो ।

शुक्रबार आफ्नै कार्यकक्षमा सम्मान ग्रहण गर्नुहुदै उपाध्यक्ष गुरुङले आदिवासी जनजातिको उत्थान र हक अधिकारको लागि योगदान रहेने बताउनुभयो । उपाध्यक्ष गुरुङ तमू ह्युल छोंज धीं गुरुङ राष्ट्रिय परिषद्का संरक्षक एवं अन्र्तराष्ट्रिय गुरुङ परिषद (आइटीसी) को संस्थापक अध्यक्ष र लामो समय आदिवासी जनजाति आन्दोलनमा लाग्नु भएका अगुवा हुन ।

प्रतिष्ठानका तत्कालिन उपाध्यक्ष गोकुल घर्ती मगरको २०८१ जेठ ११ गते कार्यकाल सकिएपछि रिक्त रहेको पदमा नेपाल सरकारले गुरुङलाई नियुक्त गरेका हुन् । नेपालको संविधानमा ब्यवस्था भए बमोजिम प्रतिष्ठानको अध्यक्षमा भने प्रधानमन्त्री रहने छ ।

प्रतिष्ठानमा रिक्त उपाध्यक्षका लागि संघीय मामिला तथा सामान्य प्रशासन मन्त्री राजकुमार गुप्ताको संयोजकत्वमा गठित सिफारिस समितिले गुरुङसहित पासाङ शेर्पा र टासी स्याङ्बो गुरुङसेनीको नाम सिफारिस गरेको थियो ।