माओवादी केन्द्र गौरीशंकरको अध्यक्षमा युग बहादुर बस्नेत

दोलखा । नेकपा माओवादी केन्द्र, गौरीशंकर गाउँपालिकाको दोस्रो सम्मेलनले अध्यक्षमा युग बहादुर बस्नेत चयन गरेको छ । शनिबार गौरीशंकर गाउँपालिकाको सम्पन्न सम्मेलनले बस्नेतलाई अध्यक्षमा चयन गरेको हो ।

कमिटीको उपाध्यक्षमा नेत्र बहादुर बस्नेत, दावारेन्जी शेर्पा र निमलेकी शेर्पा चयन भएका छन् । सचीवमा रोहित बुढाथोकी, सह(सचिवमा प्रकाश बहादुर खड्का र कोषाध्यक्षमा रामकुमार खड्कासहित ४५ सदस्यीय पालिका कमिटी सर्वसम्मत चयन गरेको छ ।

सम्मेलनमा पूर्वमन्त्री देवि खड्का, नेकपा माओवादी केन्द्रका केन्द्रीय सदस्य बलराम थापा, तथा अन्य नेता र कार्यकर्ताहरूको उपस्थिति थियो।