काठमाडौं । ग्रेगोरियन पात्रोअनुसार आजदेखि अंग्रेजी नयाँ वर्ष इस्वी संवत् २०२५ सुरु भएको छ । आजकै दिनमा जिजस क्राइस्टलाई फाँसी दिएपछि विश्वभर इस्वी संवतको सुरुवात् भएको मान्यता रहि आएको छ ।
पोप ग्रेगोरियनले जुलियन पात्रो अनुसारको संवतलाई प्रतिस्थापन गर्दै अहिले प्रचलनमा आएको पात्रोलाई चलाएकाले यसलाई ग्रेगोरियन पात्रो अनुसारको नयाँ वर्ष पनि भनिन्छ ।
जुलियन पात्रो शासक जुलियस सिजरले प्रचलनमा ल्याएका थिए । विवादकै कारण यो पात्रो रसियाले २०० वर्षपछि मात्र प्रचलनमा ल्याएको थियो ।
विवाद भए पनि उपनिवेशकालमा विभिन्न स्थानमा यो संवत् लादेकाले हाल यसको विश्वव्यापी प्रचार छ । इस्वी संवतको सुरुवात एवं नयाँ वर्ष विश्वभर विभिन्न कार्यक्रम गरि मनाइन्छ ।
केही वर्ष अघिदेखि नेपालमा पनि विविध कार्यक्रम गरि मनाउँदै आएको छ । नेपालमा पर्यटकीय क्षेत्र ठमेल, न्युरोड, दरबारमार्ग, पोखरा लगायत विभिन्न स्थानमा इस्वी संवत् मनाउने गरिएको छ ।