चीनमा भकम्प जादा नेपालमा धक्का, मृत्यु हुनेको संख्या ९५ पुग्यो

काठमाडौं । मंगलबार बिहान गएको भूकम्पमा परी चीनमा ९५ जनाको मृत्यु भएको छ । तिब्बतस्थित क्षेत्रीय विपद् राहत मुख्यालयलाई उद्धृत गर्दै समाचार संस्था सिन्ह्वाले ९५ जनाको मृत्यु भएको उल्लेख गरेको छ ।

भूकम्पमा परि १३० जना भन्दाबढि घाईते भएका छन् । सिन्ह्वाका अनुसार भूकम्पको केन्द्रविन्दु २८.५ डिग्री उत्तर अक्षांश र ८७.४५ डिग्री पूर्व देशान्तरमा मापन गरिएको थियो । चिनिया अधिकारीहरुका अनुसार भूकम्पको केन्द्रविन्दु रहेको दिङ्गी काउन्टीको चाङ्गसुओ क्षेत्रका गाउँमा धेरै घरहरु भत्किएका छन् ।

नेपाली समय अनुसार आज बिहान ६ बजेर ५० मिनेट जाँदा चीनको सिजाङ्ग प्रान्तको सिगात्सेस्थित दिङी केन्द्रबिन्दु भएर ७ म्याग्निच्युडको भूकम्प गएको थियो । नेपालको भूकम्प मापन केन्द्रले ७ म्याग्निच्युडको भूकम्प गएको रेकर्ड राखेपनि चिनको भूकम्प नेटवर्क केन्द्रले भूकम्पको तीव्रता ६.८ मापन गरेको छ ।

नेपाल चीनको सिमाना केन्द्रबिन्दु भएर गएको भुकम्पले नेपाल अधिराज्यभरिनै ठुलै धक्का महशुस गरेको थियो । जसले गर्दा स्थानीयहरु आत्तिएर घरबाहिर निस्केको थियो ।