प्रेस सेन्टर दोलखाको सातौं जिल्ला अधिवेशन सम्पन्न

दोलखा । प्रेस सेन्टर नेपाल दोलखाको सातौं जिल्ला अधिवेशन सम्पन्न भएको छ । चरिकोटमा भएको अधिवेशनले पुनः सुरज बस्नेतको अध्यक्षतामा १५ सदस्यीय जिल्ला समन्वय समिति चयन गर्दै अधिवेशन सम्पन्न गरेको हो ।‌

समतिको खुल्ला उपाध्यक्षमा केदार दहाल, महिला उपाध्यक्षमा लक्ष्मी बस्नेत, कोषाध्यक्षमा नविन सुनुवार, सचिवमा गोविन्द थामी चयन भएका छन् । यस्तै सहसचिव खुल्लामा राजकुमार भुजेल, सहसचिव समावेशीमा ईश्वर बिश्वकर्मा चयन भएका छन् ।

सदस्यहरुमा करिश्मा गोले, सुजता बस्नेत, प्रकाश कौशल, ममता श्रेष्ठ र सुन्दर खड्का तथा महिला सदस्यमा द्विपतारा पाख्रिन, दलित सदस्यमा मनिता नेपाली र जनजाति सदस्यमा इन्द्रलक्ष्मी थामी निर्वाचित भएका छन् ।

अधिबेशनको उद्घाटन समारोहमा शहीद रित बहादुर खड्का स्मृति पत्रकारीता पुरस्कारबाट अग्रज पत्रकार बलराम थापा पुरस्कृत भएका छन् । प्रेस सेन्टरको तर्फबाट पत्रकार महासंघमा निर्वाचित पत्रकारहरुलाई समेत सम्मान गरिएको थियो ।‌