लिपिङ खोलामा सेनाले जोड्यो बेलिब्रिज

सिन्धुपाल्चोक । अरनिको लोकमार्ग अर्न्तगत लिपिङ खोलामा बेलिब्रिज जडान भएको छ ।

गत असोज दोस्रो साता आएको बाढीले बेलिब्रिज बगाएकोमा साँढे चार महिनापछि पुनः जडान गरिएको हो ।

यसअघि ह्युमपाईप राखेर यातायात सूचारु गरिएकोमा नेपाली सेनाको प्राविधिक सहयोगमा बेलिब्रिज राखिएको हो ।

यही माघ २० गतेदेखि बेलिब्रिज राख्न सुरु गरिएकोमा सोमबार निर्माण सम्पन्न गरि सडक डिभिजन कार्यालय चरिकोटलाई हस्तान्तरण गरिएको सेनाले जनाएको छ ।

सो बेलिब्रिजको कुल ४५.७२ मिटर लम्वाई रहेको र भारवहन क्षमता २८ टन बराबर रहेको छ । बेलिब्रिज निर्माण सम्पन्न भएपनि सवारी साधान भने सञ्चालन गरिएको छैन ।

नेपालतर्फ बाढीपहिरोले बेलिब्रिज बगाएपछि तातोपानी नाकामा नियमित यातायात सूचारु हुन सकेको थिएन् ।