सिआरसीद्धारा लिपिङ हाइड्रोको मुख्य सुरुङ्ग ब्रेक थ्रु, फोटो फिचरसहित

सिन्धुपाल्चोक । लिपिङ खोला जलविद्युत आयोजनाको मुख्य सुरुङ ब्रेक थ्रु गरेको छ । निमार्णाधीन लिपिङ खोला जलविद्युत आयोजनाको मुख्य सुरुङ छो–रोल्पा कन्स्ट्रक्सन निर्माण कम्पनीले ब्रेक थ्रु गरेको हो ।

सिन्धुपाल्चोकको भोटेकोशी गाउँपालिका–२, लिपिङमा हिम रिभर पावर कम्पनीको १६.२६ मेघावटको निर्माणाधीन लिपिङ खोला जलविद्युत आयोजनाको मुख्य सुरुङ ब्रेक थ्रु गरेको हो । आयोजनाको करिब दुई वर्ष अगाडीदेखि छो–रोल्पा कन्स्ट्रक्सन प्रा.लि.(सिआरसी)ले निर्माण गरेको एक हजार दुई सय ६७ मिटर लामो मुख्य सुरुङ आइतबार ब्रेक थ्रु गरेको हो । सिआरसीले आयोजनाको बाँधस्थल समेत निर्माण गरिएको हो ।

हिम पावर कम्पनीले आयोजना स्थलमा कार्यक्रम गरी औपचारिक रुपमा सुरुङ्ग ब्रेक थु्र भएको जानकारी दिएको हो । आयोजनाको मुख्य वित्तिय व्यवस्थापकमा सिदार्थ बैंक लिमिटेड, कन्सल्टेन्डमा ट्याक हाइड्रो, निर्माण कम्पनीमा निता केसी जेभी र छो–रोल्पा कन्स्ट्रक्सन रहेको छ ।

कम्पनीले निर्माण कार्यमा सहभागी सम्पूर्ण कार्यरत कर्मचारी र कामदारलाई सम्मान समेत गरेका थिए । आयोजनाको सुरुङ्ग ब्रेक थु्र भएता पनि निर्माण सम्पन्न हुन भने केहि समय लाग्नेछ । सिआरसीले सडक, पुल, आवसीय तथा व्यवसायिक भवन लगायत विभिन्न क्षेत्रको निर्माण कार्य गरिदै आएको छ ।

सिआरसीको लिपिङ खोला जलविद्युत आयोजनाको सुरुङ निर्माण तेस्रो सफलता हो । सिआरसीले यसअघि ग्रीन लाइफ हाइड्रोपावर र शिवश्री हाइड्रोपावरको सुरुङ निर्माण सम्पन्न गरिसकेको छ । हाल कम्पनीले रोल्वालिङ हाइड्रो, माथिल्लो तामाकोशी जलविद्युत आयोजना लगायतको निर्माण कार्य गरिदैछ ।

उक्त आयोजना स्थाल दुर्गम र अति विकट क्षेत्र रहेको हुदाँ निर्माण सामाग्री हेलिकप्टर मार्फत ढुवानी गरी काम सुरु गरिएको प्रबन्धक निर्देशक फुरलाक्पा शेर्पाले बताउनु भयो । सो आयोजनामा कम्पनीको ६० जना भन्दा बढी कर्मचारी तथा मजदुर कार्यरत रहेको प्रबन्धक निर्देशक शेर्पाले बताउनुभयो ।

त्यस्तै आयोजना स्थल नेपाल चीनको सिमाना र उच्च पहाडी दुर्गम भु–भागमा भएको हुदाँ सडक पहुँच पुगेको छैना । आयोजनाको सम्पूर्ण सामाग्री रोप-वे मार्फत ढुवानी गरी निर्माण गरिदै आएको छ ।

सो आयोजना करिब तीन किलोमिटर उचाईको आउटलेटबाट पानी खसालिनेछ । आयोजनाको विद्युत गृह भने अन्डरग्राउण्ड भित्र रहेको छ ।

फोटो फिचर