चलचित्र “जिउनी” शनिबार आँबुखैरेनीमा प्रर्दशन हुदै
काठमाडौं, १४ मंसिर । तनहुँको आँबुखैरेनीमा मंसिर १५ गते शनिबार चलचित्र “जिउनी“ भव्य प्रर्दशन हुने भएको छ । जलकन्या फिल्मको ब्यानरमा निर्माण भएको गुरुङ साँस्कृतिमा आधारित नेपाली चलचित्र “जिउनी“ काठमाडौं, चितवन, पोखरा, बेशिसहरको अपार सफलता पछि आँबुखैरेनीमा प्रर्दशन हुन लागेको हो ।
आँबुखैरेनी गाउँपालिका–३, पानी घट्टस्थित माई छिम्केश्वरी तमू सुधार समाजको भवनमा शनिबार एकै दिन ३ शो (मध्याह्न १२ बजे, दिउँसो ३ बजे र साझ ६ बजे) चलचित्र प्रर्दशनको तयारी भएको चलचित्र निर्माण पक्षले जानकारी दिएको छ ।
जनक गुरुङको निर्देशन तथा गोठ बहादुर गुरुङ र रसमाया गुरुङको निर्माणमा तयार भएको नेपाली भाषाको गुरुङ चलचित्र “जिउनी“ मा मुख्य कलाकारहरु टेक गुरुङ, आकृति गुरुङ, आनन्द गुरुङ, अन्जु गुरुङ, सीता गुरुङ, कुमार सामरी घले, रबिन गुरुङ, गडुलध्वज गुरुङ, मुना गुरुङ, माया गुरुङ, कमला गुरुङ, भविश्वर गुरुङ, नवीन गुरु...
