सेन्सर बोर्डबाट चलचित्र ‘टुहुरी’ लाई युनिर्भसलको उपाधि, २६ गतेदेखि प्रर्दशन हुदै

काठमाडौ । गुरुङ संस्कार र संस्कृतिमा आधारित नेपाली चलचित्र ‘टुहुरी’ लाई युनिभर्सलको उपाधि दिएको छ । सञ्चार तथा सुचना प्रविधि मन्त्रालयको सेन्सर बोर्डले प्रदर्शनको लागि स्विकृत दिदै चलचित्र ‘टुहुरी’लाई उत्कृष्ट बनेको भन्दै युनिभर्सलको उपाधि दिएको हो ।

चलचित्र टुहुरी प्रर्दशनको अन्तिम तयारीमा रहेको बेला बिहीबार सञ्चार मन्त्रालयले जाँचपास गरी उत्कृष्ट र जनचेतना मुलक बनेको हुनाले युनिभर्सलको उपाधि दिएको केन्द्रीय चलचित्र जाँच समितिका अध्यक्ष गौरव गिरीले बताउनुभयो । अध्यक्ष गिरीका अनुसार नेपाली भाषामा निर्मित चलचित्र ‘टुहुरी’ २ घण्टा १८ मिनेट र ७ सेकेण्ड रहेको छ, र चलचित्रले कथा र पात्रको माध्यमबाट समाजमा सकारात्मक र जनचेतनामुलक सन्देश दिन खोजेको हुनाले उत्कृष्ट अंक प्राप्त गरी युनिभर्सलको उपाधि दिएको बताउनुभयो ।

नव ज्योति भिजन नेपाल प्रा.लिको व्यानरमा निर्मित चौथो चलचित्र’ टुहुरी’ मा जनक गुरुङ निर्देशक, रुक आले मंगर, खड्ग गुरुङ र रविन गुरुङ निर्माता रहेको छ । चलचित्रमा सह-निर्देशक, कोरियोग्राफर एवं निर्माण कम्पनीको प्रबन्ध निर्देशक रविन गुरुङ आफैले गर्नुभएको छ ।

चलचित्रको कथाकारमा मञ्जु गुरुङ(सुस्मी) र पटकथा तथा संवाद निर्देशक जनक गुरुङ आफैले गर्नुभएकोछ । चलचित्रमा कुमार सामरी घले, काशी गुरुङ, आनन्द गुरुङ, रिना गुरुङ, मनोज गुरुङ, रविन गुरुङ, मौसम कुमार गुरुङ, राजु किराँत, कमला राई(करुण), सुवास गुरुङ, रश्मि गुरुङ र इशा गुरुङ लगायतका कलाकारहरूको अभिनय र मेकपआर्टिसमा रुपा गुरुङ रहेकी छिन् ।

सो चलचित्रको छाँयांकन क्यामेरा पर्सन खेम थापा मगर र दृश्य सम्पादन मेख थापा मगरले गर्नुभएको छ । चलचित्रको संगीत आँसु लामाले गर्नुभएको छभने, गीतमा पवित्र गुरुङ, आँसु लामा र सुमिना लामाको स्वर रहेको छ ।

चलचित्र ‘टुहुरी’ नवज्योति भिजन नेपाल प्रा.लि.को व्यानरमा निर्माण गरिएको चौथो प्रस्तुति हो । यसअघि आफ्नै व्यानरमा निर्माण गरिएको पहिलो “ङोलो ठागु” दोस्रो “पुर्णिमा” र तेस्रो “आफ्नै कर्म” चलचित्र सफतापूर्वक प्रर्दशन गरिसकेको छ ।

त्यसैगरी चलचित्र बैशाख २६ गते शुक्रबार पहिलो भिइपी शो दिउसो ४ बजे र दोस्रो पब्लिक शो शनिबार दिउँसो १२ः३० र बेलुका ४ः बजे गोंगबुस्थित इन्फिनिटी मुभिजमा हुदैछ । चलचित्रको प्रवेश शुल्क शुक्रबार भिआइपीको लागि रु ५ सय र शनिबार पब्लिको लागि भने रु ३५० तोकिएको निमार्ण कम्पनीको प्रबन्ध निर्देशक एवं सहनिर्देशक रविन गुरुङले बताउनुभयो ।