लुम्बिनी प्रदेशसभा सदस्य पुनको निधन

काठमाडौं, भदौ १५ – लुम्बिनी प्रदेशसभा सदस्य सरिता पुन मगरको शनिबार निधन भएको छ। पुनको काठमाडौंस्थित त्रिवि शिक्षण अस्पताल महाराजगञ्ज अन्तर्गत मनमोहन सेन्टरमा उपचारको क्रममा निधन भएको हो ।

पुनलाई स्वास्थ्यमा समस्या देखिएपछि केही दिनअघि अस्पताल भर्ना गरेकी थिइन। उनलाई चिकित्सकले उपचारका क्रममा दुईवटा ठूलो शल्यक्रिया ९मेजर अपरेशन० गर्नुपरेको जनाइएको छ। पहिलो अपरेशनमार्फत उनले छोरीलाई जन्म दिएकी थिइन्

उनको दोस्रो अपरेशन मुटुमा कृत्रिम भल्भ प्रत्यारोपण गरिएको थियो। तर, उपचारका क्रममा उनको अवस्था गम्भीर बन्दै गएपछि शनिबार निधन भएको हो।

उनी नेकपा एमालेबाट समानुपातिक प्रणालीतर्फ रुकुम पूर्वबाट निर्वाचित प्रदेशसभा सदस्य थिइन्।पुन लुम्बिनी प्रदेशसभामा अर्थ तथा पर्यटन विकास समितिकी सदस्य समेत रहेकी थिइन्।

उनको असामयिक निधनले नेकपा एमालेसहित लुम्बिनी प्रदेशसभा र रुकुम क्षेत्र शोकमग्न बनेको छ। पार्टीका नेता तथा कार्यकर्ताले पुनको योगदानको स्मरण गर्दै श्रद्धाञ्जली अर्पण गरेका छन्।

युवा तथा सक्रिय महिला नेतृका रूपमा चिनिएकी उनी रुकुम पूर्व, तकसेरा निवासी हुन्।