गौरीशंकरमा स्काभेटर दुर्घटना, चालक घाइते

दोलखा, भदौ १३ – गौरीशंकर गाउँपालिका–९, रिकुमा स्काभेटर दुर्घटनामा परि जना चालक घाइते भएका छन् । हाई हिमाल हाईड्रोपावरको स्काभेटर कम्प्रेसर मेसिन राख्ने पार्किङ खन्ने क्रममा अचानक जमिन भासिएर स्काभेटर करिब ३० मिटर तल खसेको हो ।

दुर्घटनामा परी तामाकोशी गाउँपालिका–१, भिरकोटका ३२ वर्षीय सुरज पाण्डे घाइते भएका छन्। उनलाई स्थानीय स्तरमै प्रारम्भिक उपचारपछि थप उपचारका लागि काठमाडौँस्थित ट्रमा सेन्टर रेफर गरिएको प्रहरीले जनाएको छ।

स्काभेटर दुर्घटनापछि स्थानीयबासी र प्रहरीको सहयोगमा चालकलाई उद्धार गरिएको थियो । अहिले घटनाबारे थप अनुसन्धान भइरहेको सम्बन्धित निकायले जानकारी दिएको छ ।